Guð minn almáttugur!!

Við höfum flúið, við erum beilerar!

Það er semsagt búið að rigna hér um bil allan tímann á Roskilde. Það er líka búið að vera rok og svæðið er EINN RISASTÓR DRULLUPOLLUR! Það er ekki lengur smá drulla í kampinu, það eru ár og pollar og allt í rugli. Tjaldið okkar var reyndar ekkert það voðalega blautt en í gær hrundi skýlið okkar fína sem strákarnir byggðu. Við og Inga Þóra bara hreinlega gátum ekki meir í bili og flúðum heim til hennar í gær eftir að hafa séð Björk. Hún stóð svo sannarlega fyrir sínu og maður gat gleymt því í smá stund að maður var kaldur, blautur og skítugur. Það var þvílíkt rok og rigning og fólk hoppandi og dansandi í pollunum. Vá hvað það var gott að sofa á þurrum stað! Það tók okkur reyndar ansi langan tíma, mikið erfiði og slatta pening að komast til Kaupmannahafnar. En það var svo sannarlega þess virði. Nú er það bara sturtan og þá erum við endurnærð. Í kvöld spila Beastie boys, Trentemøller, Mika, Queens of the stone age, Peter Bjorn and John og Booka Shade. Næææææs! Reyndar er þetta allt saman á sama/svipuðum tíma svo við verðum hlaupandi á milli í drullunni, en það verður bara að hafa það!

Við ætlum líka sennilega ekkert að reyna að bjarga tjöldunum okkar, Ingu tjald flattist út svo það gæti verið erfitt. Við ætlum bara að koma okkur hingað þegar við viljum fara að sofa.

Athugasemdir

[Vilborg Valgarðsdóttir, 6.7.2007 kl. 23:51]

Æi, frábært að þið drifuð ykkur í bæinn. Ég vona að eitthvað af hátíðinni fari fram í þurru, þetta er ömurlegt!